كيكة كورن فليكس بالشوكولاته … بالصور


المقادير

10قفشات حليب سفتي

4قيمر كي دي دي الصغير

قفشه صغيره فانيليا

2دريم ويب

4حبات بسكوت دايجستف

قفشتين من اي نوع آيس كريم عندج (انا كان عندي باسكن روبنز)

كوب ونص كورن فليكس

كوب حليب المراعي

قفشتين نوتيلا

6مارس

بسكوت بيتي بور

طريقة التحضير

أول شي تسخنين حليب المراعي

وتصفين البسكوت بيتي بور بقاعده صحن التشيز كيك وبعدها تصبين عليه الحليب لين تحسين ان البسكوت تشرب وصار لين.. (ترا مو شرط تخلصين الحليب) بهالطريقه

بعدها تحطين المارس مع النوتيلا بحمام مائي وتضيفين عليه علبتين قيمر لين يصير جذي

وبعدين تضيفين الكورن فليكس على الككاو شوي شوي بهالطريقه

لين يتماسك ويصير معاج جذي

بعدين حطيه فوق طبقة البسكوت نفس هالصوره

وحاولي ما تخربين البسكوت

حطيه بالثلاجه شوي على ما تسوين الطبقه الاخيره ، الطبقه الاخيره.. بالخلاط الحليب + فانيليا+ 2قيمر+ دريم ويب+ بسكوت دايجستف+ الايس كريم.. وتصبينهم فوق طبقة الكورن فليكس بهالطريقه

وخليها بالثلاجه ساعتين الى ثلاث ساعات وبعدها زينيها بالطريقه اللي انتي تبينها..

انا زينتها بككاو هيرشي مع فليك..

وهذا الشكل النهائي

و شهية طيبة ..تحياتي : R.YACINE

Advertisements

5 أفكار على ”كيكة كورن فليكس بالشوكولاته … بالصور

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s